اخبار جديدة تهم كل اللي مستنين لعبة Last of us II

في مقابلة من مقابلات Anthony Newman المخرج المساعد للعبة The Last of Us Part II اتكلم عن تحديث تفاصيل كتير جوه اللعبة و اهتموا جدا بيها و الكلام كان بيدور عن نبضات القلب و اللي هتشتغل بشكل ديناميكي عند جميع الشخصيات و اكيد طبعا خصية Ellie.

نبضات القلب هتبقي بتتسارع وهتحاول الشخصيات انها تاخد نفسها بعد الجري، الضرب، أو تسديد الضربات بردوا بالإضافة إلى وجود  الأعداء واللي اكيد هيحافظ على الشعور بالخوف والتوتر خلال اللعبة.

و في مقابلة تانية اتكلم مخرج اللعبة Neil Druckmann عن ان قتل الحيوانات في اللعبة و بالتحديد الكلاب - و اللي هتبقي من مسببات الخطر في اللعبة - هيكون ليه عبئ عاطفي علي الناس  و ده اللي لاحظه الفريق وقت اختبار اللعبة من خلال اللاعبين

و ده بيرجع ان الكلاب بتنبح بصوت معين بعد طعنها و ده اللي بيخلي اللاعبين يحسوا ان الموضوع مأسوي و واقعي  

بس الجميل ان قتل الكلاب مش هيكون شئ اجباري في اللعبة حسب كلام المخرج ان اللاعبين يقدروا يتجنبوا الموضوع بس ده هيعمل مشكلة صعبة شوية و انك ديما هتقع في انك تختار تقتل الكلاب و تمشي في الطريق السهل او تسيبهم و تتعب شوية عشان تتفاداها بعض الناس اللي جربت اللعبة طلبت ان موضوع قتل الكلاب يبقي اسهل شوية و اسرع عشان نتجنب الدراما اللي بتحصل وقتها لكن فريق تطوير اللعبة رفض عشان اللعبة محورها كله عن دورة العنف و بتحاول تجسيد الموضوع بأدق شكل ممكن