تجربة Battlefield V مجانا!!
لو لسة مجربتش اللعبة طول الفترة اللي فاتت او قلقان تشتريها وماتعجبكش ، دلوقتي قدامك أكتر من فرصة انك تجربها ، EA قررت انها تنزل اللعبة مجانا على 3 مرات مختلفة في شهر في نهاية كل أسبوع بداية من الخميس 10 أكتوبر.
هتقدر تلعب منافسات Squad Conquest ومجموعة من مهام War Stories التي تركز على مجموعة من القصص الحقيقة المرتبطة بالحرب العالمية الثانية وتقدر تكسب مكافآت في اللعبة غير ان التقدم اللي هتوصله ممكن يتنقل للنسخة الكاملة لو قررت تشتريها.
الفرصة الأولى هتكون في الخميس 10 أكتوبر وهتقدر تجرب فيها طور Rush ، الفرصة التانية في 17 اكتوبر هتقدر تجرب منافسات Conquest ، أما الفرصة الثالثة والأخيرة في 24 أكتوبر وتركز بالكامل على Grand Operations.
العرض متاح فقط لنسخة الـ PC وتقدر تحمل اللعبة من هنا اول ما يتوفر العرض.
