تقرير جديد و حصري من شركة The Hollywood Reporter ان عملاقة تطوير الالعاب Ubisoft شغالة حاليا علي اكتر من مسلسل جديد مبنين علي العابها و عناوينها المعروفة بداية من مسلسل أنيميشن خاص بشخصية Rayman وأخر للعبة Hungry Shark و المسلسلين هيكونوا موجهين لصغار السن

الشركة هتحاول اكيد توصل لجمهورها من المراهقين بمسلسل Watch dogs و اللي قصته هتتكلم عن بنت في فترة الثانوية بتستخدم مهاراتها في الـHacking عشان تحل بيها جرائم بتحصل في مدرستها و في اخبار تانية عن مسلسل بأجواء 

لعبة Far Cry 3: Blood Dragon و هيكون بالتعاون مع Adi Shankar منتج مسلسل Castlevania اللي اتعرض على Netflix

شركة Ubisoft واخدة الموضوع بجدية عشان تقدر تزود من شعبيتها بعيدا عن مجال العاب الفيديو و مننساش انهم شغالين دلوقتي علي فيلم The Division و اللي هيقوم الممثل Jake Gyllenhaal بلعب دور البطولة الرئيسي للفيلم 

خطوة ممتازة من شركة العاب انها تبدأ تدخل مجال السينما و المسلسلات و هتزود شعبيتهم بشكل كبير اوي نتمني كلنا ان الموضوع يبقي ايجابي و ناجح من الشركة خصوصا ان المشاريع الخاصة بيهم كلنا حبيناها