أخبار عن لعبة Payday 3
بعد ما لعبة Overkill’s The Walking Dead ماحققتش النجاح اللي انتظرته الشركة الناشرة للعبة Starbreeze ، ده كان دافع للشركة انها تعلن عن إلغاء نسخة الكونسولز للعبة لان مبيعاتها كانت ضعيفة جدا على نسخة الـ PC.
وبعد فشل اللعبة ده اثر على المطور والناشر السويدي وسببله مشاكل مالية أضطرته يمشي ناس كتير من الموظفين ويبيع حقوق النشر لألعاب System Shock 2 وPsychonauts 2 ، وظهرت اخبار عن انه مش هيقدر يصمد لسنة واحدة لو ملقاش ممول جديد ينقذه من الوضع ده.
لكن الأمور في طريقها انها تبقى أحسن بعد ما أعلنت الشركة على موقعها انها هتحصل على موارد مالية جديدة عن طريق اتفاقيات نشر في 2020 من ايرادات لعبة الموبايل Payday: Crime War اللي هتصدر السنة الجاية.
وبخصوص لعبة Payday 3 الشركة أعلنت ان اللعبة مازالت تحت التطوير واحتمال تصدر في الفترة بين 2022 و 2023
