فريق LetsGoDigital و هو واحد من امهر المصممين كانت اخر تصاميمهم تصورهم الخاص لدراع البلايستيشن 5 و المبني على اخر براءة اختراع من سوني عن وحدة التحكم الجديدة ومن المتوقع ان يكون  اسمه DualShock 5 

الدراع في الغالب هيكون فيه شاشة تاتش صغيرة وده كان في كل التصورات قبل كدة عن شكل الدراع ، وبناء على اخر براءة اتراع من سوني الدراع هيكون في مزايا و options كتير بحيث الجهاز يكون اجتماعي اكتر.

من التطورات اللي ممكن نشوفها ان اللاعبين هيقدروا يشاركوا اللعب مع لاعبين اخرين في أي مكان في العالم من خلال اعطاء اللاعب اخر إذن الوصول لنفس الدراع اللي بيستخدمه اللاعب الاول بشكل كلي او جزئي عشان يقدر يساعده في انه يخلص مهمة او لغز ، ودي صورة مطورة من خاصية Share Play الموجودة في اجهاز الـ PS4 لكن الاختلاف هنا ان خدمة الـ Cloud هتكون وسيط بين اللاعبين

ومن أهم التطورات اللي هتكون في الدراع هي انك تقدر تغير وظائف الازرار بشكل أساسي ، بمعنى انك هتقدر تقدر تظبط الازرار حسب رغبتك في اعدة توظيفها.