فريق Undead Labs اللي قدم لنا سلسلة العاب State of Decay بعد ما استحوذت عليه شركة MicrosofT ، في أخبار عنه في الوقت الحالي ان الفريق بيتوسع بشكل كبير و هيبقى مكون من إستوديوهين .

وده حصل قبل كدة من مايكروسوفت مع فريق التطوير Playground Games و تم عمل توسعة للفريق واصبح مكون من فريقين ، برغبة Microsoft عشان يقدروا يزوداوا الانتاج لفرق العمل في اكتر من مشروع في نفس الوقت

من المؤكد ان شركة سوني شغالة على  نضارة VR جديدة و من الممكن ان تصدر بعد جهاز PS5 بفترة ، وممكن نشوفها في نفس معاد اصدار الجهاز.

ده اللي دفع سوني انها تسجل براءة اختراع لنضارة الواقع االافتراضي الجديدة بتاريخ 12 دسيمبر ، وهتكون في تقنيات حديثة ، زي وجود حساسات لتاكيد ايتخدامها ووضعها على الراس بشكل صحيح وممكن تكون لاسلكية عشان تسمح للاعبين بحرية حركة اكبر في التفاعل مع الالعاب.