شركة ATARI في الوقت الحالي بتعمل على جهاز خاص بيها  ومش هيكون جهاز صغير زي شركة Nintendo اللي قدمت جهاز SNES Mini ، لكن جهاز  ATARI هيكون ليه ألعاب ومتجر خاص بيه.

عشان ATARI تقدر تنجح الجهاز الجديد لازم تحفز المطورين وتشجعهم على انهم يدعموا الجهاز بالعاب حصرية  ، وده اللي عملته شركة Nintendo لما قدمت مكتبة ضخمة من الالعاب ، وده اللي دفع ATARI انها تحفز المطورين عن طريق منحهم نسبة كبيرة جدا من العائدات.

الشركة قررت انها تمنح الشركات والمطورين نسبة 88% من العائدات لما ينشروا ألعابهم على المتجر الرسمي الخاص بـ ATARI ، وهي نفس النسبة اللي اتعاملت بيها Epic مع المطورين والشركات لتحفيزهم لنشر العابهم على المتجر الرسمي لـ Epic.

الشركة وضحت ان المطور هيقدر ينشر ألعابه على المتجر  الرسمي ويحصل على نسبة 88% في حالة ان اللعبة حصرية لـ ATARI و نسبة 80% في حالة انها مش حصرية ، وده يعتبر كرم من ATARI اللي بتفوق النسبة اللي بتقدمها Steam 

الشركة وضحت ان العاب الجهاز هتستخدم محرك Unity و Linux وفي مرونة من ناحية تطوير الالعاب بحسث ممكن يتم استخدام محركات اخرى لتطوير الالعاب ، والشركة أكدت ان جهاز Atari VCS ممكن يتخدم في تطوير الالعاب.