سوني: لا نية لتأجيل اصدار بلاي ستيشن 5
مفيش شك ان وباء كورونا اثر بشكل سلبي كبير على كافة الصناعات عموما.. و صناعة الالعاب بشكل خاص و دة ادّى لتأجيلات كتير جدا في الصناعة.
و طبعا موجة التأجيلات دي وصلت لسوني.. الا ان سوني رفضت تأجيل مشروعها الاكبر و هو اطلاق PlayStation 5 و اكدت انه هيصدر في معاده اللي تم تحديده و هو فترة اعياد عام 2020 .. يعني تقريبا الفترة مابين اكتوبر لديسمبر.
مش بس كدة.. دة كمان سوني وضحت انها بتجهز لأقوى محتوى في تاريخ الشركة فور اطلاق الجهاز.. و اللي بتأكد انه هيكون محتوى حماسي و مثير جدا جدا للاعبين.. تم الاعلان عن بعض منه و الباقي لسة مفاجأة
