كل ما تريد معرفته عن تحديث GTA Online الجديد
|
موعدنا يوم 13 ديسمبر المقبل مع تحديث GTA Online المرتقب واللي هيضيف تحسينات وإضافات ضخمة على محتوى اللعبة وطور Freemode
التحسينات العامة:
• هتقدر تلعب مهمات Casino Story Missions بشكل فردي على عكس قبل كده كنت بتضطر تدخل مع لاعبين.
• هيكون بإمكانك استخدام The Benefactor Terrorbyte عشان تبدأ مهام Business Sell، في جميع أنواع الجلسات حتى لو كانت جلسات الدعوة فقط.
• هتقدر تحصل على جهات اتصال iFruit بشكل أسرع، من خلال قائمة التفاعل هتقدر تحدد جهات الاتصال اللي حابب تعرضها أو تخفيها.
• أخيراً نسخة الجيل الجديد (PS5 و Xbox Series X) هتدعم تقنية تتبع الأشعة Ray Tracing من خلال اختيار وضع Fidelity Mode.
• العربيات الجديدة اللي هتشتريها هتوصل للجراچ الخاص بيك بشكل أسرع.
• هيتم إضافة الدراجات إلى قائمة المركبات اللي بإمكانك شرائها من خلال الجراچ الخاص بيك.
• لو بتلعبها على PS5 أو Xbox Series X/S هتقدر توصل للـ Hao’s Special Works بدون ما تحتاج لتخليص سباق تمهيدي.
• بدون الحاجة للـGrinding هتقدر تكبر ثروتك بشكل أسرع مع زيادة شاملة في قيمة GTA$ لجميع فئات بطاقات Shark اللي تم زيادتها بنسبة 20-25٪.
|
