لعبة أكشن جديدة تخطف الأنظار بمقطع جديد على محرك Unreal Engine 5
محرك Unreal Engine 5 منتظر منه تجارب ومشاريع مثيرة بسبب قدراته في عرض جرافيكس مذهلة |
واحدة من التجارب دي هي لعبة ENENRA اللي لسا في طور التطوير، ومقطع الفيديو الجديد اللي نزل ليها ملفت للنظر جداً. |
المطور Strive Studios شارك مقطع للعبة واللي هتكون أكشن من منظور الشخص الثالث، و بتستوحي عناصر من عالم Cyberpunk 2077 ولعبة Batman Arkham Knight. |
أسلوب القتال في ENENRA بيحاول يوفّر توازن بين القتال العشوائي والتركيز على هدف واحد في نفس الوقت، والحركة في اللعبة هتبقى حرة وهتقدر تهجم على أهداف متعددة، وزوايا الكاميرا مستوحاة من لعبة Batman الأخيرة. |
هتكون عندك ثلاثة أنماط قتالية تقدر تستخدمها بحرية: Blade Master وRanged Shift وIRON WALL. كل واحدة منهم بتركز على نوع معين من الحركة. |
حتى الآن مفيش وقت متوقع لإصدار ENENRA او المنصات اللي هتصدر عليها.. لكن على الأقل عارفين انها هتنزل على الـPC ومتاحة في الـWish List على STEAM |
|
يمكنكم مشاهدة المقطع على الحساب الرسمي للعبة على منصة X من خلال اللينك ENENRA |
