سلسله god of war الاسطوريه والغنيه عن التعريف طبعا الكل عارف ان بدايات اللعبه كانت مع جهاز ال playstation 2

وتم صدور ال 3 اجزاء الرئيسيه لجهاز ال playstation 3 مع 3 اجزاء فرعيه - بالنسبه لل playstation 4 تم صدور عليه الجزء التالت حتي الان وفي انتظار الجزر الجديد

دي كل المعلومات المتاحه لغايه دلوقتي عن اللعبه

اولا اللعبه هيتم اصدارها في فتره قريبه من سنه 2018  يقال انه الربع الاول من السنه يعني شهر مارس 2018 باقصي تقدير

ثانيا اللعبه مش reboot " اعاده احياء " للسلسه لا الجزء الجديد احداثه هتكون بعد الجزء التالت يمكن هنا نقول ان الجزء الجديد يعتبر soft reboot لانه بيقدم gameplay مختلف وقصه بتتكلم عن ال norse myth او الاساطير النرويجيه بعكس الاجزاء القديمه اللي كانت بتدور في الاساطير الاغريقيه

ثالثا الافعي اللي ظهرت في اخر اعلان للعبه اسمها jormungander ودي في الاساطير ابن الاله لوكي - غالبا قصه اللعبه هتدور في نفس اطار احداث النهايه ragnarok بشكل مشابه نوعا ما للاجزاء القديمه وهي قتل الالهه كلها بس المره دي هتكون لحمايه ابنه من سبب مجهول ما

رابعا اللعبه هتبقي عالم  بيدعم الاستكشاف ومش هيبقي فيه اي loading screen " شاشه تحميل " بين كل منطقه والتانيه وكمان هتدعم عناصر ال rpg لاول مره في السلسله مع وجود ال skills اللي هتبقي متاحه للاستخدام علي مدار اللعبه

خامسا ابن kratos اسمه اتريوس ومش هيكون شخصيه قابله للعب بشكل كامل زي ما كان الجميع بيفكر - انما هيكون اداه مساعده معاك في اللعب من حيث القتال او حل الالغاز

سادسا عروض اللعبه كلها حتي الان كانت شغاله علي جهاز ال playstation العادي مش نسخه ال pro وحتي الان مفيش اي اخبار عن دعم لجهاز ال playstation 4 pro

سابعا سلاح blades of chaos الرئيسي في الاجزاء القديمه تم الاستغناء عنه لانه كان خاص بعصر مظلم ل kratos مخرج اللعبه cory barlog محبش يرجعلها

ثامنا اللعبه مش هتحتوي علي اي مود تعاوني coop او مود تنافسي multiplayer بعكس ما حصل مع جزء ascension لانه حابين يركزو علي القصه بشكل كامل

تاسعا نهايه الجزء التالت كانت غامضه " cliffhanger "  مخرج اللعبه وضح انهم هيقدم توضيح للنهايه مع توضيح لنقل الشخصيه من الاساطير الاغريقيه للنورديه

اخيرا مخرج اللعبه وضح ان اللعبه مش هتكون الجزء الاخير وانها مخطط تكون ثلاثيه مع بعض التلميحات بظهور كريتوس في الاجزاء الجديده

 

معلومات جانبيه

ملحن اللعبه هو نفس الملحن اللي لحن مسلسل the walking dead

شخصيه اللعبه kratos علي لسان المخرج في الجزء الجديد مقتبس من شخصيه الافلام الشهيره hulk وازاي كريتوس هيتعامل مع غضبه زي bruce banner " اسم شخصيه hulk "

مخرج اللعبه cory barlog هو مخرج الجزء التاني من اللعبه والليكتب فكره اسكريبت جزء ghost of spart

المؤدي الصوتي للعبه الخاص بالاجزاء القديمه tc carson اتغير في الجزء الجديد واصبح المؤدي هو christopher judge

 

تقدر تشوف اخر اعلان للعبه من الفيديو