كعادة اي اصدار سنوي لأكتر الالعاب مبيعاً FIFA.. بتيجي FIFA19 بـ3 نسخ مختلفة.. هنقولكم ايه الفرق بين النسخ و ايه المناسب ليك حسب طريقة لعبك
 

-النسخة الـStandard: 
 و دي النسخة العادية خالص و الارخص من ناحية السعر و اللي هتكون متوفرة على كل المنصات و هتكون متوفرة ديجيتال و اسطوانات..سعرها هيكون 59.99 دولار و هيكون فيها
 *5 Jumbo Premium Gold Packs (واحدة كل اسبوع لمدة 5 اسابيع) في طور Ultimate Team.

 *اعارة رونالدو 7 ماتشات في Ultimate Team

 *اطقم مختلفة لفريقك في الـUltimate Team

و دي النسخة المناسبة ليك لو ملكش اوي في الـUltimate Team و كل لعبك بيكون بالفرق العادية مع صحابك او بتلعب Career Mode

-النسخة الـChampions Edition:

و دي النسخة المتوسطة و المخصصة اكتر للناس اللي بتقضي اغلب الوقت في لعب الـUltimate Team اكتر من بقية اطوار اللعبة و هيكون سعرها 79.99 دولار و دي بيكون فيها
 *20 Jumbo Premium Gold Packs (واحدة كل اسبوع لمدة 20 اسبوع) 

 *ليك اختيار لاعب من ضمن 5 لاعيبة فرقهم مشاركة في دوري الابطال انه يكون معاك في التشكيلة و يكون تقييمه من 80 لـ83

 *رونالدو و نيمار اعارة 7 ماتشات في Ultimate Team

 *اطقم مختلفة لفريقك في Ultimate Team

-النسخة الـUltimate Edition: 

و دي النسخة الموجهة للناس اللي مش بتلعب اي لعبة في حياتها غير FIFA و جوة اللعبة مش بتلعب الا Ultimate Team و دي النسخة الاغلى من اللعبة و اللي بتكون متاحة ديجيتال بس و سعرها 99.99 دولار و اهم مميزاتها:

 *3 ايام Early Access يعني هتقدر تلعب اللعبة قبل اصدارها بـ3 ايام يعني لو حجزتها من الستور هتنزلك يوم 25 سبتمبر

 *40 Jumbo Premium Gold Packs (مرتين كل اسبوع لمدة 20 اسبوع) في Ultimate Team

 *ليك اختيار لاعب من ضمن 5 لاعيبة فرقهم مشاركة في دوري الابطال انه يكون معاك في التشكيلة و يكون تقييمه من 80 لـ83

 *رونالدو و نيمار اعارة 7 ماتشات في Ultimate Team

 *اطقم مختلفة لفريقك في Ultimate Team

هي دي كل الفروق ما بين نسخ فيفا 19 و اللي تقدر تحجزها لكل الاجهزة من خلال اللينك دة https://goo.gl/k1mMdC