مغامرة جديدة لـLara Croft و هي الاخطر و الامتع لحد دلوقتي في امريكا الجنوبية و اسطورة جزر المايا.. بس مش هو دة السبب الوحيد اللي يخليك تلعب Shadow of Tomb Raider و دول 7 اسباب يخلوك تعيش مغامرة Lara الجديدة

1- اكبر خريطة و اكتر مميزات:

كعادة سلسلة ألعاب Tomb Raider انها بتكون لعبة خطية بس في نفس الوقت بتكون Map فـ المرة دي الـMap اكبر بكتير جدا و كمان زيادة في الـFeatures و حرية الحركة و انك تتكلم مع اغلب الشخصيات الموجودة و اللي بتديك Side Missions و بتكون مختلفة عن المهمات الرئيسية

2- عايز تحدي؟ زوّد الصعوبة

اغلب الالعاب بتكون ليها اكتر من اختيار صعوبة و دة موجود بردو في اللعبة بس كل صعوبة بتحدد حاجات كتير زي توفر الاسحلة اللي معاك و مدى نظر العدو و رد فعلهم و احتمالية انك تتكشف لو ماشي Stealth.. كمان تقدر تقفل الـWaypoint في الخريطة عشان تزود الصعوبة و التحدي اكتر

3- الـPhoto Mode

دلوقتي كل الالعاب بقى فيها الـPhoto Mode و دة بيخليك تلعب دقيقة و تقعد ساعة تتصور.. كلمنا اكتر انك تصور Lara مع نمور و اسود و تخليها تضحك

4- حيوانات اكتر شراسة

الجزء دة من اللعبة بقى حرفيا مليان حيوانات مفترسة.. اسود و نمور و كلاب برية و نسور و حتى في البحر موجود سمك بيرانا و دة حاجة تخليك واخد بالك كويس من الطريق اللي بتمشي فيه

5- كوارث طبيعية هتعلي حماسك

جرأة Lara بتخليها مش بس تتحدى عصابات و حيوانات مفترسة.. لا دي بتواجه تسونامي و زلازل و فيضانات... ماتسألش ازاي.. العب و استمتع بس 

6- Jonah

اكتر مقولة هتصدقها لما تلعب سلسلة Tomb Raider هي "اختار الصديق قبل الطريق" .. Jonah هو الصديق الصدوق لـLara و اللي حرفيا داس معاها في كل مصيبة دخلت فيها و دايما ربنا بيستر و بيفضلوا عايشين.. Jonah موجود في الجزء دة بردو و لسة متمسك بنفس مبادؤه 

7- ازياء Nostalgia

مش بس كل الازياء اللي تقدر تغيرها في اللعبة بتأثر بس على قدارتك سواء انها تخليك اهدى في الحركة و ان الاعداء يشوفوك بطريقة اصعب.. لا دة كمان تقدر تلعب بـLara من ايام الـPS1 

تخيل تلعب بشخصية من التسعينات في جزر المايا

تقدر تشتري Shadow of Tomb Raider النسخة العربية من اللينك دة: https://goo.gl/kyEkRZ