حصرية اخيرة لجهاز الـPs4 تحت التطوير
كتير مننا فاكر ان خلاص سوني اكتفت بالالعاب الحصرية اللي نزلت للجيل الحالي و ان مفيش اي نية للعمل علي مشروع AAA في الوقت الحالي
بس التقارير اثبت عكس ده و وضحت ان هيبقي فيه لعبة حصرية اخيرة للجيل الحالي لسه متمش الاعلان عنها
و الموضوع بدأ علي موقع Resetera لما ظهر عليه توظيف شركة Sony لموظفين جداد في الوقت الحالي عشان يشاركوا في حملة Playstation التسوقية للجيل الجديد و في العادية الاعلانات اللي زي دي بتنزل قبل اطلاق المنتج بحوالي 16 شهر تقريبا
التقرير كان فيه مشاركات كتير جدا و اللي كان منهم استفسار احد اللأعبين بخصوص عدم تواجد سوني في اغلب المعارض الخيرة و الغاء الـEvent اللي كان بعنوان PSX و اللي خلي واحد من الموظفين اللي شغالين في سوني اكد انو من الصعب تواجدهم في المؤتمرات و المعارض بعد ما كشفوا عن جميع العاب الطرف الاول لجهاز Ps4 ما عدا لعبة واحدة بس
لسه الجهاز قدامه قائمة كبيرة جدا من الحصريات المنتظرة زي Death Stranding و The Last of Us II و Days Gone و لكن تقريبا لسه فاضل لعبة اخيرة متمش الاعلان عنها و لكن نتوقع ان هيتم الكشف عنها قريب جدا
