نشر ستوديو IO Interactive المسئول عن تطوير لعبة Hitman 2 و من انتاج شركة Warner Bros و اللي من المنتظر صدورها في 13 نوفمبر الحالي نشر انفوجراف عن الحاجات الجديدة اللي هتكون موجودة في اللعبة.. و واضح جدا ان اللعبة هتكون مختلفة عن الجزء الاول اللي كان من انتاج شركة Square Enix

اللعبة هتستغنى عن نظام الحلقات و هتصدر بالكامل من اليوم الاول.. هتحتوى على 6 خرائط لـ6 مدن اللي هيكونوا في اللعبة.. كمان اللعبة هتتجاوز عدد 100 ساعة لعب! و هيكون فيها اكتر من 689 جملة حوارية على مدار اللعبة.. و هيكون فيها حاجات كتير متنوعة زي الاسلحة و البدل و الازياء التنكرية و الادوات اللي تقدر تسخدمها اثناء اللعب

كمان اللعبة هيكون فيها كذا طور لعب.. طور فردي و دور تعاوني اونلاين و طور لاعب ضد لاعب اونلاين

اللعبة هتنزل 13 نوفمبر بأربع نسخ.. Standard و Silver و Gold و Collector