دائماً لما بنفكر في مين أفضل شخصيات مرت علينا في ألعاب الفيديو بيكون ماكس بين واحد من الشخصيات دي ... إتفقنا أو إختلفنا على جودة السلسلة من ناحية الجيم بلاي فا مفيش شك إن قصة كل جزء في السلسلة أقل حاجة يتقال عليه إنها تحفة .. بصراحة تفضيلي ممكن يكون unpopular شوية لأني بفضل الجزء الثالث في جوانب كتير .. و لكن خليني أوضحلكم و لو بمثال صغير ليه شخصية ماكس بين charismatic لأقصى الحدود و صعب إنه يتكرر تاني 

 

مبدأياً شخصية ماكس بين بتتميز بحاجة مهمة جداً و هي الكلام اللي بيطلع منه و تعليقاته على اللي بيحصل حوالين منه .. اللي ممكن نعتبر الكلام ده زي textbook لأي روائي أو كاتب قصص لما يفكر يكتب قصة .. لإن الكلام اللي بيطلع من Max Payne هو فعلاً اللي مخلي شخصيته مميزة جداً

 

هعرض عليكم cutscene من الجزء الثالث و هحلل معاكم اللمسات الفنية اللي إستنتجتها من الكلام اللي قاله و عموماً هو مفيش حرق مباشر لقصة اللعبة .. لأن هو كلام ملوش علاقة بالأحداث الرئيسية في القصة يمكن انا شايف إن الفيديو نفسه ممكن يشجعك تلعب اللعبة أكتر لو لسة ملعبتهاش .

 

 

 

 

هبدأ معاكم بالكلام اللي إتقال في الcutscene و ايه  اللي نستنتجه منه :

 

"I was a mess. Rodrigo Branco was dead. Fabiana was held hostage. I had no idea who was behind any of this. I felt like a fool. I was a sweaty, gray-haired mess. This place, well this place was going to kill me too. I could see that now" 

 

طبعاً الcutscene ده بيتعرض على هيئة flashback و ماكس بيحكي قد ايه هو كان بيأنب نفسه أو بمعنى تاني بيجلد ذاته بسبب إنه شايف إن كل الخسائر اللي حصلت لرجل الأعمال اللي هو شغال عنده كانت بسبب تقصير منه هو في شغله و التقصير ده يمكن حاجة مش من عادة ماكس بين فا بنشوف هنا إنه بيبدأ يفقد قدرته على السيطرة على زمام الأمور .. كالعادة تأثره بالماضي اللي بيلاحقه ديماً هو اللي بيخلي مشكلة صغيرة عنده تفتح ملفات قديمة و مشاكله النفسية تكتر و تزيد بعدها ..

 

I decided that I was going to die sober ... not drunk. At least .. at least then I would see who shot me.

 

هنا ماكس مازال بيحتفظ بكبريائه حتى في أسوأ حالاته اللي وصل فيها لمرحلة إنه بيفكر هيموت أزاي .. فا بيقول إني ببساطة لو هموت يبقى أموت مقتول أحسن مش أموت من جرعة من إدماني عالكحل عشان على الأقل أبقى حققت أمنية من أمنياتي الخجولة و هي إني أشوف مين اللي هيقدر يقتلني!!

 

It was time to take back control from whoever was out to get me. If I didn't flush them out, at least my midlife crisis would confuse them enough so they did something stupid.

 

أجمل لحظة في الcutscene لأن دي اللحظة اللي بيتحول فيها الإحباط و الهزيمة و الكئابة لطموح عالية جداً! .. هنا ماكس بيخاطب نفسه مجدداً بإسلوب عظيم .. إنه بدأ يسيطر على نفسه تاني و يسترجع قواه و بدأ يفكر ايه الصح اللي ممكن يتعمل .. عن طريق إنه يلاقي نفسه تاني و يرجع يتحكم في المشاكل النفسيه اللي بتواجهه عشان يقدر يرجع لصوابه .. و بيتمنى إن يكون على الأقل المشاكل اللي بتواجهه نتيجة أزمة منتصف العمر midlife crisis مش أكتر

 

It was the only hope I had. I knew I wasn't thinking straight. I've been drinking and popping pain killers for years. I had a liver like a french goose and skin like red leather.

 

ماكس عنده أمل وحيد في إدراك سر المشاكل اللي بتحصل ديه كلها .. إن هو عارف إنه مش بيفكر صح نتيجة لإدمانه للكحول و الpainkillers .. و بيسف على نفسه بإسلوب ساخر المميز ليه في إستخدامه للتشبيهات بإن شكله إتغير و إن من كتر إدمانه للكحل كبده بقى شبه كبد الأوز الفرنسي

 

Well, it wasn't perfect. In fact it wasn't much good at all but it was going to have to do. At least I was facing in the right direction.

 

ماكس بيقرر إنه يحلق شعره تماماً عشان يقدر يغير المود الكئيب اللي هو فيه .. حلق شعره لحد ما بقى أصلع و بعدكده بدأ يسف على نفسه لإن الموضوع مطلعش زي ما كان يتمناه .. و من هنا ماكس بين مجدداً بيستخدم كلمة "على الأقل" في أي عبارة بيقولها دليل على طموحه اللي شبه منعدمة و التشائم ديماً من المستقبل مع وجود بصيص من الأمل.

 

ده تقريباً كان تحليلي لمشهد صغير زي ده خلص في دقيقتين .. المميز دايماً في شخصية ماكس بين إن نقدر نقول His mind is all over the place بسبب ضغوطه النفسية الكتير اللي مش عارف يهرب منها .. ده ايه فايدته عليك انت كلاعب؟

 

ممكن واحد يقولي هي ناقصة كئابة .. لاء هو الموضوع مش في كده .. ديماً شخصية البطل بنستنى نعرف هي ايه إتجاهاته ايه طريقة تفكيره .. و بيأيد ايه و بيكره ايه .. و لما بنشوف protagonists سطحيين بنكرهم جداً لإننا معرفناش نندمج معاهم .. و ماكس من الناحية دي بيقدم الموضوع ده زي ما الكتاب بيقول .. في كل أزمة بيواجها في كل حاجة بتحصل بتسمع أرائه فيها .. و الكلام بيكون فيه إسلوب روائي عظيم جداً مخلي اللعبة و السلسلة دي عموماً رقم واحد بالنسبالي في الإقتباسات

لذلك قصة ماكس بين ليها طابع مظلم مميز جداً .. و من الصعب أو المستحيل يتكرر شخصية زيها.