سلسلة Halo واحد من أعرق سلاسل الألعاب اللي إتقدمت في ال15 سنة اللي فاتوا و كان ليها تأثير مباشر و قوي على الصناعة و مصدر إلهام لمطورين كتير في ألعاب التصويب من المنظور الأول First Person Shooter .. لكن السلسلة من بعد الجزء الثالث خدت إتجاه ممكن يكون غير مرضي لعشاق السلسلة القدام .. خصوصاً في جزئيها الرابع و الخامس اللي قام بتطويرهم إستوديو 343 Industries بعد ما bungie إنفصلت عن ميكروسوفت

ولكن في خطوة إيجابية جداً فريق 343 بيعملها حالياً و هي إنهم قاموا بتعيين شخص وظيفته "مخرج أصوات اللاعبين" عشان يقدر إنه يستمع لأرائهم بخصوص اللعبة القادمة Halo Infinite اللي إحتمال كبير تصدر السنادي