شركة valve تنفي خبر عدم وجود Metro على ستيم و تشير إنها حصرية مؤقتة لEpic
النهاردة خبر حصرية لعبة Metro Exodus لمتجر Epic إجتاح السوشيال الميديا و علامات إستفهام كتير كانت حوالين إتخاذ قرار زي ده من جانب Deep Silver ناشر اللعبة و هل كانت فيه إتفاقية من قبل ولا ده قرار مفاجىء؟
ظهر دلوقتي بيان رسمي من جانب valve بتؤكد إن الشركة اتجهت لمتجر Epic بشكل مؤقت بعد صفقة معاهم ان المتجر هياخد نسبة 12% فقط من أرباح اللعبة على عكس فالف اللى نسبتها 30% من صافى ربح مبيعات اللعبة .. مما يعني إن اللعبة هتكون متوفرة في steam بعد مرور سنة من عمر اللعبة .. و طبعا أي حد عمل حجز مسبق للعبة pre-order من على Steam هيقدر يلعبها في موعد إطلاقها
