كل ما تريد أن تعرفه عن لعبة Crackdown 3
لعبة Crackdown 3 القادمة الشهر ده على منصتي الXbox One و الحاسب الشخصي في يوم 15 فبراير .. اللعبة من تطوير فريق التطوير sumo digital و نشر ميكروسوفت .. اللعبة هتكون عالم مفتوح خيال علمي ب Cyberpunk setting من منظور الشخص الثالث بتلعب بشخصية يمتلك قدرات خارقة في بيئة قابلة للتدمير الكامل .. شخصية البطل اللي هتقود بيها المغامرة هي عميل من عملاء الوكالة اللي دورها القضاء على العصابات وترسيخ الاستقرار بشوارع المدينة
جرافيك اللعبة Cell Shaded زي ماهو موضح بالصورة .. و دي حاجة موروثة من الأجزاء القديمة .. الجرافيك رغم إنه مش واقعي لكن بيمتاز بالألوان و الإضائة المميزة لل cyberpunk setting .. ينفع تقود مركبات ودبابات وتمتلك ترسانة ضخمة من الأسلحة أهمها طبعا المتفجرات وقاذفات الصواريخ.
تقدر تجري بسرعة جداً وتقفز لإرتفعات عالية وكل ما طورت نفسك تقدر تقفز او تجري أعلى أو أسرع .. تقدر كمان تشيل سيارات وترميها على الأعداء (زي prototype) .. و أيضاً بإمكانك تزويد عداد الصحة (health bar) و أشياء من هذا القبيل .. بمعنى إن اللعبة هيكون فيها بعض الRPG Elements و إدارة للموارد
الفنان Terry Crews هيكون موجود في اللعبة مش عارف قابل للعب ولا مجرد شخصية جانبية اللعبة بتعتمد على سرعة الحركة والتفجيرات وطبعا لما بتلعبها coop هتبقى ممتعة جداً عن إنك تلعبها لوحدك .. اللعبة مركزة على الجيم بلاي أكتر من القصة إانها هزلية شوية زي Sunset Overdrive مثلاً
جانب بقى ال Multiplayer عائد بقوة عن الأجزاء القديمة تقدر تcustomize ال agent بتاعك وتخش في أطوار تنافسية competitive modes ضد لاعبين اخرين بنفس طريقة الجيم بلاي إنك تعتمد عالسرعة والتفجير .. الMultiplayer إسمه Wrecking Zone تقدر تحمله لوحده من غير طور القصة .. وتنضم لفريق مكون من 5 ضد 5 وفيه 2 مودز مختلفين Territories and Agent Station
مش محتاح تلعب الأجزاء القديمة لإن كل جزء منفصل بذاته من ناحية القصة .. اللعبة كانت حصلت فيها مشاكل أثناء التطوير وده بسبب ترك الفريق المطور الاصلي للعبة وجه بعده ومسك تطوير اللعبة فريق جديد اللي هو Sumo Digital .. الفريق وميكرو كان عندهم اصرار أن اللعبة تنزل في حالة جيدة و خالية من المشاكل مما أدى لتأجيل اللعبة اكثر من مرة
اللعبة قادمة في 15 فبراير يعني بيفصلنا أقل من إسبوعين فقط على صدورها .. تقدر تشتريها أو تلعبها من خلال الgamepass و في الحالتين تقدر تعملها pre-download
