أشرار سلسلة Far Cry .. ما بين جنون العظمة و الإرهاب الفكري
أكتر حاجة بتميز سلسلة FARCRY من وقت ظهورها عالساحة هي إن دايماً بيبقى فيها unforgettable villains اللي بيظهروا في كل جزء .. من Vaas الpsychopath في الجزء التالت مروراً بالديكتاتور Pagan Min في الجزء الرابع و إنتهاءً بالقائد الديني Joseph Seed في الجزء الخامس ... وإستمراراً على نفس النهج هنكون على موعد في منتصف الشهر ده مع الأختين Mickey & Lou اللي بيقودوا جماعة Highwaymen المتطرفة في الجزء الفرعي الجديد New Dawn .. اللعبة و لأول مرة في السلسلة هتقدم female antagonists وهينضم ليهم Joseph Seed اللي كان الmain villain في الجزء الخامس .. التوأم Mickey و Lou بيؤمنوا بالعدمية Nihilism وكانوا أطفال وقت سقوط القنبلة النووية في نهاية الجزء الخامس والعالم القاسي بعدها ساهم بشكل كبير في تكوين شخصيتهم .. اللي أنشأ جماعة Highwaymen هو والد Mickey و Lou بس بعد أحداث متصاعدة تم القبض على الجماعة.
مقولتهم المشهورة دائماً : تبقى هناك نوعين من البشر في العالم .. النوع اللي بيسبب مشاكل والنوع اللي بيحل المشاكل ... وإحنا من النوع التاني.
تعالوا بقى ناخد جولة سريعة على الvillains المهمين اللي إتقدموا من خلال سلسلة Far Cry و مميزات كل واحد فيهم
Vaas Montenegro - Far Cry 3 -
من ضمن العوامل اللي خلت من Far Cry 3 لعبة تعتبر نقلة كبيرة للسلسلة هي جودة الmain villain بتاعها Vaas .. برغم إن من الحملات الدعائية للعبة Vaas كان متقدم على إنه الmain villain و أتضح فيما بعد إنه secondary villain و الmain villain الحقيقي هو Volker Hoyt .. لكن Vaas فعلاً كان بمثابة الmain villain و الكلام عنه كتير الحقيقة من ناحية ليونة الfacial animations في المشاهد اللي ظهر فيها أو الأداء الصوتي و التمثلي الممتاز أو العبارات السيكوباتية اللي بتطلع منه كلها عملت منه شخصية مميزة جداً
ميزة Vaas إنه كان ليه تأثير مباشر على بطل اللعبة و أصدقائه اللي كانوا مختطفين و محجوزين رهائن .. بطل اللعبة في كل مشهد كان بيظهر فيه vaas كنا بنشوف ردود أفعال منه مختلفة و بتطور مع الوقت .. لغاية مرحلة الboss fight اللي للأسف مكنتش بصعوبة تليق بالcharacter development اللي إتقدمت و كانت حاجة عبارة عن Quick Time Event بتظهر عالشاشة فقط
طبعاً مينفعش نجيب سيرة Vaas و ننسى واحد من أفضل المونولوجات اللي أخرجتها الصناعة
Pagan Min - Far Cry 4 -
pagan min هو زعيم مملكة الKyrats (البلد الخيالية اللي بتقع في جبال الهيمالايا) و هو العدو الرئيسي ليك في Far Cry 4
انا ممكن أقعد أتكلم كتير الحقيقة عن شخصية pagan min و أزاي هو واحد من أكتر الشخصيات المعقدة اللي إتقدمت في السلسلة .. شخصية pagan ببساطة صعب نوصفه بvillain برغم إنه حاكم ديكتاتوري و مستبد و لكن نرجع لأصول معنى كلمة villain هنلاقي إن بيندرج تحت تعريفها معاداة البطل .. و هنا pagan مكنش معادي للبطل بشكل واضح و صريح و بدون ما أحرق أحداث اللعبة pagan انت ممكن تتجنب قتله في النهاية
لعبة Far Cry 4 تقريباً الجزء الوحيد في السلسلة اللي بيحطلك إختيارات في القصة ليها تأثير واضح عالنهاية فا بإمكانك الإنضام لكلاً من طائفتين ليهم أغراض مختلفة و ال2 ضد سياسة pagan min و إنفراده بالسلطة .. و لكن إختيارك لواحد منهم دوناً عن الاخر ده في حد ذاته إختيار مختلف عن إختيارك لنهاية pagan min في المشهد الأخير .. و ده بيرجع لإجابتك على سؤال مهم .. هل اللي كنت بتعمله طول المغامرة صح ولا غلط؟
Batari - Far Cry Primal -
شخصية Batari واحدة من أفضل الvillains اللي إتقدموا في السلسلة و هي زعيمة عشيرة إسمها Izila و دي واحدة من العشائر اللي على خلاف مع العشائر التانية .. مثل عشيرة Udam اللي هما آكلين لحوم البشر .. و عشيرة Winja اللي بطل اللعبة منهم .. Batari ملقبة بـsun daughter و هدفها إنها تعذب العشيرتين التانيين و تحرقهم لأنها من وجهة نظرها هما ميستحقوش يعيشوا.. Batari ساحرة و بتسيطر على أتباعها بشكلً ما أو بآخر بالسحر.. بتتميز بإنها عنيفة جداً و شخصية sadistic بتتلذذ بالقتل و الحرق و يبدو عليها دائماً إنها Mindy unstable
Joseph Seed - Far Cry 5 -
جوزيف سيد هو الmain villain و العدو الرئيسي لرحلتك في Far Cry 5 و دي حاجة كانت وضحتها دعاية اللعبة في حملاتها الدعائية و الحقيقة كان واضح إنه مبذول فيه مجهود من ناحية إنه شخص شرير لكن ليه أهداف قد تكون النظر ليها بشكل سطحي هي أهداف مشابهة لأهداف الmain villains التانيين و هي فرض السيطرة على على الجزيرة أو المكان اللي هو فيه و تطبيق قانون بقواعده هو .. لكن جوزيف سيد كان خرج عن النص شوية لإن على قد ما دي كانت أهداف واضحة بس اللعبة في النهاية خدت منحني واقعي و صارم في عرض فرضيات نهاية حرب مع أي cult ديني بالأسلحة بدل ما تحاول إنك تحاربه بدون إستخدام العنف
جوزيف سيد كان فيه كل المقومات الvillain اللي تخليه يتحط جمب واحد زي Vaas بس كان ينقصه فقط إنه يظهر أكتر و يضايق بطل اللعبة أكتر و ده للأسف عيب موروث من الأجزاء القديمة
