أصبحت لعبة Apex Legends واحدة من أهم إصدارات 2019 و أقوى منافس للعبة Fortnite في إسبوع واحد فقط لتعطي درس جديد لفرق الدعايا أزاي يقدروا يعملوا دعايا لألعابهم

 

اللعبة بحسب اخر التقارير وصلت لعدد 25 مليون لاعب قاموا بتحميلها و 2 مليون لاعب نشط على السيرفرات .. نجاح مدوي طبعاً بالنسبة للعبة مكملتش إسبوع و أصبحت بتشكل تهديد مباشر و صريح على لعبة Fortnite مع العلم إن اللعبة بالفعل حطمت الأرقام القياسية لكلاً من PUBG و Fortnite من ناحية وصول عدد اللاعبين لهذا الرقم خلال فترة قليلة زي كده .. و توقعوا الكثير من النجاحات القادمة خلال الفترة اللي جاية.

 

لعبة Apex Legends من نشر EA و تطوير فريق Respawn و اللعبة معمولة بنفس ميكانيكس Titanfall 2 و بنفس بعض أفكار الجيم بلاي و حاجة زي كده كانت أشبه بالدعاية للعبة Titanfall 2 اللي محققتش النجاح المطلوب في وقت إصدارها لكن بالفعل في خلال اليومين اللي فاتوا لعبة Titanfall 2 زاد بردو عدد لاعبيها خصوصاً على منصة الXbox One

 

للعلم اللعبة مجانية تقدر تحملها من الstore مباشرةً سواء على ps4 أو xbox one و لكن هيتطلب عليك الإشتراك في live gold عشان تقدر تلعبها على الxbox one بينما الps4 تقدر تلعبها بدون إشتراك الpsn plus