سوني تسجل براءة إختراع جديدة للتوافق المسبق لجهاز الPS5!

في الفترة اللي فاتت إنتشرت تقارير كتير اللي كانت بتشير لقيام شركة Sony بتسجيل براءة اختراع جديدة متعلقة بميزة التوافق المسبق "Backward Compatibility" مع ألعاب أجهزة قديمة .. و بنحصل النهاردة على تقرير جديد بخصوص الموضوع ده

ميزة التوافق المسبق هي إنها بتخلي المنصة أكبر و أشمل لإنها بتضم ألعاب الأجيال السابقة بشكل يخلي المنصة بتملك عناوين كتير من مختلف الأزمنة زي بالظبط الPC .. ده اللي قدرت تحققه شركة ميكروسوفت الجيل الحالي و يعد من أهم مميزات منصة الxbox هي التوافق المسبق

اسم Mark Cerny بيظهر من جديد في ابتكار الميزة دي للجهاز، واللي يعتقد إنه هيقود عملية تطوير وبناء الجهاز بشكل كامل زي ما حصل مع PS4.

لو تم إثبات صحة التقارير دي و تم التأكيد عن الخبر أعتقد هتبقى مفاجأة لإن مدير سوني لقسم الترفيه الجديد Jim Ryan للي تولى المنصب بعد John Kodera ليه نظرة ممكن نقول عليه متحجرة شوية بخصوص التوافق المسبق و كان ليه تصريح شهير قبل كده إنه قالها صريحتاً التوافق المسبق ملوش لازمة.