إنطباعات إيجابية للعبة Metro من اللاعبين على متجر Steam!
برغم إن لعبة Metro Exodus حالياً مش متوفرة على متجر steam إلا إن ده ممنعش بعض اللاعبين إنهم يقيموا اللعبة بتقييمات إيجابية .. و ده تقريباً عكس اللي حصل من حوالي إسبوعين لما بعض المتعصبين قييموا أول جزئين بتقييمات منخفضة!
حصرية ميترو على متجر Epic Games كان ممكن نقول إنها من أكثر الأمور المثيرة للجدل اللي حصلت الشهر ده لمنصة الPC .. لكن اللعبة لما تكون ممتازة من جميع الجوانب و مبذول فيها جهد محترم من المطورين بنلاقيها هي اللي بتدافع عن نفسها و بتكسب إحترام الجميع .. حادثة غريبة بدون شك و مفيش أي تفاصيل توضح إذا كان المراجعات و التقييمات على steam نابعة من تجربة اللعبة على متجر Epic Games أو نوعاً ما ممكن نسميها إبداء حسن النية تجاه للفريق وسلسلته المتميزة .. جدير بالذكر إن اللعبة هتتوفر على steam بعد سنة كاملة تقريباً
