ي مفاجأة خيبت آمال كتير من محبي مارفل والخيال العلمي، سوني أعلنت رسميًا إن لعبتي Marvel’s Wolverine وIntergalactic مش هيكونوا ضمن إصدارات السنة المالية الحالية، يعني مفيش أي أمل نشوفهم قبل أبريل 2026.

الخبر اتأكد خلال عرض Sony Business Segment Presentation، واللي وضّح إن اللعبتين متصنفين كعناوين فردية ضخمة، ولسه في مرحلة التطوير بدون ميعاد إصدار رسمي لحد دلوقتي. ده معناه إننا لسه هنستنى كتير جدًا، وفي احتمالية كمان للتأجيل لحد 2027

حاليًا، سوني مركزة مجهودها كله على لعبتين تانيين وهما Ghost of Yōtei وDeath Stranding 2، اللي المفروض ينزلوا قبل نهاية مارس 2026. وده غالبًا هيكون محور تركيز الشركة في العروض الجاية.

لكن رغم كده، فيه فضول كبير حوالين Wolverine وIntergalactic، خاصة مع قلة المعلومات والتسريبات عنهم. متوقع نسمع تفاصيل أكتر عن اللعبتين في الشهور الجاية، ويمكن سوني تفاجئنا بحاجة غير متوقعة