اشاعه تسريب معلومات عن لعبه batman القادمه

اشاعه تسريب معلومات عن لعبه batman القادمه

اخر جزء من السلسله كان batman arkham knight وكان صدر في العام 2015 ومن وقتها لم يصدر اي لعبه للشخصيه المشهوره batman

كان في اقاويل واشاعات من هنا وهناك علي سبيل المثال كان في اعلان عن لعبه تخص suicide squad وانها في نفس عالم اللعبه واخده طابع هزلي باسلوب جرافيك borderlands

في اشاعه تانيه ان فرق wb بيشتغلو علي مشروعين ل batman مش واحد وكان الاول كان بيتكلم عن تكمله لقصه arkham knight بعد سنين من اعتزال batman وان ابنه damian هو اللي هيكون البطل بمساعده والده اللي هيكون متقدم في العمر مع تقديم اسلوب لعب شبيه ب arkham knight علي سبيل المثال استبدال batmobile ب batpod

 

عموما حاليا في اشاعه جديده وقويه المره دي لانها جايه من عضو في موقع reddit بيدعي انه موظف في شركه warner bros وكشف عن مجموعه من المعلومات وجائت كالتالي

اولا اللعبه من تطوير wb montreal وهو نفس الفريق اللي طور قبل كده لعبه batman arkham origins

ثانيا اسم اللعبه حاليا هو  batman insurgency اللعبه هتكون prequel  او احداثها قبل arkham knight - arkham city واحداثها بعد origins ب 3 سنين

ثالثا الشخصيه المساعده ليك او اللي كنت بتستخدمها في arkham knight المره دي هتكون كامله بنسبه 100% يعني هتقدر تلعب بشخصيتين batman - robin بشكل كامل والمسرب موضحش هيكون بكامل اللعبه او في مناطق معينه انما هيكون في حريه اكبر بكتير

رابعا شخصيه الجوكر الشهيره هتكون موجوده في اللعبه مش هيكون العدو الاساسي في اللعبه هيكون sub villain

خامسا العدو الاساسي للعبه او main villain هيكون court of owls ودول عباره عن مجموعه من الناس الغير معروف هويتهم وبيديرو مدينه gotham

سادسا المسرب وضح برضه ان اللعبه مش هيكون فيها عامه الناس بيمشو او حيويه لا هيكون فيه سبب لان  الناس تهرب من المدينه وتعداد السكان يقل

سابعا ال batmboile هتكون متاحه - طبعا نسخه اقدم والنسخه لاتحتوي علي tank mode

اخيرا   شخصيه the riddler هتكون موجوده برضه بالاحجيات الخاصه بيه و ال Collectibles

 

عموما كل دا يندرج تحت بند الاشاعات بس الموضوع حاليا مسرب بتفاصيل دقيقه فممكن يكون له نسبه كبيره من الصحه

 

 

Share this:


أقراء المزيد

loader