جزء جديد من سلسلة Splinter Cell
من فترة ظهرت إشاعات عن جزء جديد من سلسلة Splinter Cell لكن شركة Ubisoft ما أكدت اي شئ بخصوص جزء جديد من السلسلة ، لكنها أكدت أنها لم تنسى Sam Fisher بطل السلسلة.
دلوقتي رجعت الإشاعات مرة تانية عن اللعبة ، وأحد مسربين الأخبار أكد انه عنده معلومات من مصدر داخل فريق Blue Byte ، التسريبات وضحت أن الجزء الجديد هيكون باسم Fifth Freedom من تطوير Ubisoft Barcelona بمساعدة Berlin, Toronto, BlueByte وممكن يتم الكشف عنها في حدث The Game Awards 2019.
مفيش أي معلومات عن القصة ، لكن المعلومات المتاحة كانت عن طور الأونلاين وانه هيضم الأطوار دي:
Spies vs Mercs (Multiplayer, Lan & Competitive)
Extract and Escape (Multiplayer, Lan & Competitive)
Defuse or Eliminate (Multiplayer, Lan & Competitive)
اللعبة هيكون فيها 21 مهمة في طور القصة متاحة للعب الجماعي أو التعاوني Split Screen و 16 مهمة جانبية متاحة للعب الجماعي او التعاوني ،و تدعم طريقة اللعب Stealth أو هجومي.
وظهرت بعض الاخبار عن وجود تخفيضات على ألعاب السلسلة ، وده في الغالب بيحصل قبل إصدار جزء جديد من السلسلة.
