كل ما تريد معرفته عن Assassin's Creed Odyssey Article

كل ما تريد معرفته عن Assassin's Creed Odyssey

كل ما تريد معرفته عن Assassin's Creed Odyssey

بعد النجاح الهايل و المبيعات و التقيمات العالية اللي حققتها لعبة Assassins Creed Origins بترجع لينا السلسلة بجزء جديد السنادي و هو Odyssey من تطوير ستوديو Ubisoft Québec و هو نفس الاستوديو اللي اشتغل علي لعبة Origins و اجزاء كتير جدا للسلسة و اللي هيخلينا نشوف في الجزء الجديد زمن مختلف و حضارة مختلفة و بعيدة عن origins 
 
ناس كتير كانت خايفة بسبب عروض الدعاية الخاصة باللعبة و شافو ان اللعبة شبه Origins بشكل كبير و لكن المطورين نفوا الكلام ده و وعدوا اللاعبين انهم هيقدموا افكار جديدة جدا و مختلفة عن الجزء القديم و نعتقد انهم اوفوا بوعدهم 
 
بالنسبة للعبة هتقدر تختار شخصية من بطلين اللعبة و اللي هيبقوا كاسندرا أو اليكسيوس و ده مش هيأثر علي اي احداث في اللعبة و لكن قراراتك هي اللي هتعمل فرق.....اختياراتك في اللعبة هيكون ليها تأثير كبير بشكل مباشر و غير مباشر سواء عليك او علي احداث اللعبة و ده تغير ممتاز جدا يقدر يحسسك انك حر بشكل كبير جدا و انت اللي بترسم قصة اللعبة مش مجرد حركة نمطية 
 
نقدر نقول ان تاريخ احداث اللعبة هيبقي في العصر المظلم لليونان القديمة و تاريخ حربها مع اسبارطا و ده اللي هيخلي منك في اللعبة شخصية مش طيبة لا بالعكس ممكن تكون انت الشرير اللي في اللعبة 
 
اللعبة بقي فيها اضافات كتير جدا عن الاجزاء القديمة و بقت حيوية بشكل اكبر بكتير من حيث المعارك و اسلوب القتال و نقدر نقول انهي بقت  Open World بشكل اكتر من origins بحيث انك هتقدر تمشي و تشوف ناس بتحارب بعض و انت في طريقك لمهمة مثلا او تقتحم اماكن او تشوف حيوانات ماشية جنبك ممكن يكونوا حيوانات مفترسة و تموتك او حتي العمال اللي بيشتغلو بشكل يومي و ده هيحسسك ان اللعبة فيها حياة مش مجرد شئ نمطي و خلاص و دي تعتبر اضافة حلوة جدا للعبة 
 
من اهم الحجات اللي حصلت انو تم التركيز علي حروب و معارك السفن و اتقدمت في الجزء ده بشكل اكتر من ممتاز و هتحتاج ديما انك تطور من السفينة بتاعتك لانك هتواجه معارك كتير سواء في مهمات جانبية او بحث عن كنوز جديدة او انك تهاجم اعدائك كل ده هيتطلب منك تطوير السفينة عشان تقدر تبقي انت الاقوي ديما و تقدر تنجز مهماتك بشكل اسرع 
 
اللعبة هتقدم عدد كبير من المهمات سواء الرئيسيه او المهمات الجانبية او المهمات اليومية و الاسبوعية اللي ديما بتبقي متجددة بشكل مستمر و بتفيدك بموارد كبيرة بعد ما بتخلصها و ده هيساعدك في تطوير شخصيتك في اللعبة 
 
اللعبة بتقدم عالم كبير جدا و مبهر من حيث الـGraphics و الالوان و الدقة في اضاءة الشمس و انعكاسات المسطحات المائية و الاداء الصوتي للعبة اكتر من ممتاز و هتقدر تحس بتفاصيل الاصوات و ان بتمشي في خريطة اللعبة 
 
اللعبة هتقدملك ساعات لعب كبيرة جدا و تنوع و اختلاف عن السلسلة و تطور كبير في طريقة القتال عن المعتاد و هي لعبة تستحق التجربة