شركة Cineverse أعلنت رسميًا عن استحواذها على حقوق توزيع فيلم Return to Silent Hill في الولايات المتحدة، واللي هيكون مقتبس بشكل "مخلص" من قصة اللعبة الأسطورية Silent Hill 2.
المخرج الفرنسي Christophe Gans، اللي أخرج أول فيلم Silent Hill سنة 2006، راجع تاني علشان يقدم لنا تجربة رعب نفسية جديدة، بالتعاون مع شركة Konami.
الفيلم هيتبع قصة "جيمس سندرلاند" (اللي بيقوم بدوره Jeremy Irvine)، الراجل اللي حياته اتدمرت بعد فقدان حب عمره "ماري" (بتقوم بدورها Hannah Emily Anderson).
بعد ما بيستلم رسالة غامضة منها، بيرجع لمدينة Silent Hill، وهناك بيكتشف إن المدينة اتغيرت بشكل مرعب ومليانة كائنات مخيفة زي Pyramid Head.
الفيلم هيكون مليان لحظات رعب نفسي، وهيقدم تجربة بصرية وسينمائية قوية، خصوصًا إن المخرج بيأكد إن الفيلم معمول باحترام كبير لعشاق السلسلة وأجواء اللعبة الأصلية.
الفيلم تم تصويره في ألمانيا وأوروبا الشرقية بين أبريل 2023 وفبراير 2024.
شركة Cineverse أكدت إن الفيلم هيتعرض في السينمات قبل نهاية العام الحالي, لكن لم يتم تحديد موعد للعرض حتي الان.
كتبها Moamen Mohamed Helmy Salama.
جيمر في المقام الأول، وبحب أجرّب ألعاب مختلفة وأكتشف إيه اللي بيميز كل تجربة. بكتب أخبار ومقالات، وبراجع الألعاب بأسلوب بيجمع بين التحليل والصراحة ورأيي الشخصي. واهتمامي بصناعة الجيمينج بيساعدني أبص لكل لعبة من زاوية أوسع، وأقيّم تجربتها ومميزاتها وعيوبها، وهل تستحق وقتك فعلًا ولا لأ.
صفحة Moamen Mohamed Helmy Salamaاقرأ كمان
نفس اللعبة ونفس المنصة، واللي القراء فتحوه بعد الموضوع ده.
كمّل استكشاف
أدلة وفروع وعروض مختارة على حسب اللي قريته.