مقال

إشاعة: أول محتوى إضافي للعبة Red Dead Online هينزل خلال الفترة الجاية

في الفترة الأخيرة روكستار عملت بعض التحديثات في Red Dead Online لزيادة إستقرار الأداء و حل بعض المشاكل التقنية و الbugs و لكن لحد دلوقتي مفيش..

12 فبراير 2019 دقيقة قراءة

في الفترة الأخيرة روكستار عملت بعض التحديثات في Red Dead Online لزيادة إستقرار الأداء و حل بعض المشاكل التقنية و الbugs و لكن لحد دلوقتي مفيش أي خطة دعم واضحة للعبة خلال الفترة اللي جاية و لكن أغلب التوقعات رايحة إن الشركة هتعامل Red Dead بنفس طريقة تعاملها مع GTA V من ناحية إن الإضافات هتبقى موجهة للonline فقط و مش هيبقى فيه توسعات لطور الsingle player

إحدى المواقع سربت خبر بيوضح إن خلال الأيام القليلة اللي جاية هينزل أول إضافة لRed Dead Online بالتحديد يوم الخميس القادم اللي هيوافق 14 فبراير .. لا يوجد كشف عن أي تفاصيل حتى الأن و لكن في الأغلب بنتوقع إنها هتكون إضافة هتزود عدد الأنماط الموجودة و هتركز على منح اللاعبين الفرصة لشراء العقارات والمزارع والإستثمار فيه للحصول على عدد أكبر من الأموال.

لسة لغاية دلوقتي روكستار مأكدتش صحة الكلام ده فا تظل شائعات في الاخر وارد إنها تكون خاطئة